हाम्रो मार्गदिशा
- अधुरो रहेको नयाँ जनवादी क्रान्ति सम्पन्न गर्दै समाजवादी दिशामा अधि बढौं ।
- गरीव किसान तथा मजदुरहरुको नेतृत्वमा साझा तथा संम्युक्त राजनीतिक सत्ता स्थापित गरौं ।
- स्थानिय तथा राष्ट्रिय स्तरमा आत्मनिर्भर अर्थतन्त्रको विकास गरौं ।
- विर्सजनवादको विरोध गर्दै कम्युनिष्ट आन्दोलनलाई पुनर्गठित गरौं ।
- स्थानिय जनसंघर्ष लगायतका वर्ग संघर्षलाई अघि बढाउदै संसदवादको अन्त्य गरौं ।
- गरीव जनतामाथिको शोषण तथा साझा धन माथिको भ्रष्टाचार र लुटको अन्त्य गरौं ।
- नागरिकहरुको मौलिक हक–अधिकार सुनिश्चित गरौं ।
- विदेशी साम्राज्यवादी तथा विस्तारवादी हैकमको अन्त्य गरौं ।
- संसारका मजदुर लगायतका शोषित पीडित श्रमजीवीहरु एक हौं ।
- मार्क्सवाद, लेनिनवाद र माओ विचार÷माओवादको दिशामा अघि बढौं ।
सम्सदवाद्को अर्थ
परम्परागत संसद (parliament) मा राम्रा मान्छे पठाएर त्यहां राम्रो निर्णय गराएर देशमा ठूला प्रगति वा परिवर्तन ल्याउन सकिन्छ भन्ने सोंचलाई हामी संसदवाद भनेर बुझ्दछौं।यथास्थितिवादीहरु र सुधारवादीहरु संसदवादलाई नै देशको अर्थ-राजनीतिक व्यवस्थाको समाधान भन्ठान्छन् भने क्रान्तिकारी परिवर्तन चाहनेहरु संसदवादी बाटोले ठूला परिवर्तन ल्याउन सकिदैन भनेर बिरोध गर्दछन्। उनिहरु परम्परागत संसदबाट हैन, नयां किसिमको संसद निर्माण गरेर मात्रै क्रान्तिकारी परिवर्तन ल्याउन चाहन्छन्।
परम्परागत संसद भन्नाले देशघाती जनघाती अपराधी जसले पनि जस्तोसुकै दललाई पनि चुनावी होडमा भाग लिन दिने र परिणाममा त्यस्तैको बहुमत भएर त्यस्तो संसदले बनाउने नीति कार्यक्रम पनि देशघाती जनघाती गरीबमारा हुने खालको संसदलाई बुझाउंछ भने नयां वा क्रान्तिकारी संसद भन्नाले त्यस्ता देशघाती जनघाती गरीबमाराहरुलाई चुनावमा उठ्न उठाउन नदिने, गरीब जनताको विभिन्न संगठनहरुले समेत चुनावी कोटा पाउने, बहुमत प्रत्यक्ष भोट पाउनेलाई मात्र विजयी मानिने, गलत गर्नेलाई मतदाताले फीर्ता बोलाउन सक्ने, सांसदले दलका नेता आदिको ह्वीप लागेर आफ्नो विवेकले देखेको भन्दा फरक कुरामा भोट हाल्न पर्ने स्थिति नभएको र संसदमा गरीब वर्गको अत्यधिक बहुमत हुने सुनिश्चित भई देशमुखी, जनमुखी तथा गरीबमुखी नीति तथा कार्यक्रम संभव हुने संरचनालाई बुझ्दछौं!
यस्तो संसदको निर्माण गरीब जनताको स्थानीय संयुक्त सत्ताले गर्ने सशक्त जनसंघर्षबाट सिर्जना हुने व्यापक केन्द्रस्तरको क्रान्तिकारी राजनीतिक उभार र विजय वीना संभव हुदैन।पुरानो सम्सदबाट नै गरीब जनताकापक्षमा ठुला ल्याउन सकिन्छ भन्ने सोच र व्यबहारलाई सम्सदवाद भन्छौ र हामी त्यस्को अन्त्य चाहन्छौ ।
नेपाल कम्युनिष्ट पार्टी क. पुष्पलालले ३० भाद्र २००६मा स्थापना गरेको पार्टीको उत्तराधिकारी पार्टी हो । यो पार्टीे ७४ वर्ष पुरा गरी ७५ वर्षमा प्रवेशगरिरहेको छ । नेपाल कम्युनिष्टपार्टीले यो वर्ष अर्थात २०८० भाद्र ३० देखि २०८१ भाद्र ३० सम्म पार्टी स्थापनाको हिरक महोत्सव जनसंघर्षको विकास , विसर्जजनवाद विरुद्ध क्रान्तिकारी पुनर्गठन , देशको स्वाधीनताको रक्षा ,राजनीतिक क्षेत्रमा देखिएको भ्रष्टिकरण लाई पराजित गरि राजनीतिक निष्ठा र आदर्शलाई पुनस्थापित गरि देश र जनताको स्वतन्त्रता एवं सम्बृद्धिको लागि निरन्तर संघर्षरत छ ।
आदरणीय मित्रहरु
अहिले हामी आफ्नो आन्तरिक संगठन परिचालन,सत्तावाट देश र जनता विरुद्ध भइरहेका कामहर विरुद्ध दवाव मुलक संघर्षहरु एवं आफ्नो केन्दी्रय कार्यालय निर्माणको काममा लागि रहेका छौ । केन्दी्रय कार्यालय क. शम्भु कट्टेलले उपलब्ध गराउनुभएको कलंकीमा जनसहयोग र कार्याकर्ताहरुको श्रमदान वाट निर्माण गर्न लागेकोहुदा यसको निम्ति आर्थिक तथा जिन्सी (सिमेन्ट,वालुवा गिट्टी,जस्ता,फलाम आदि) सहयोगको लागि नेपाल कम्युनिष्ट पार्टी हार्दिक अनुरोध गर्दछु ।
